Qar Altındaki Xatireler

• Yayın Hakkında
• Özellikler
• Yorumlar
• İlave Dosyalar
• Satış/Tedarik

Kapat

---

  Sona Abbasəliqızı İsmayılova Göyçə mahalında anadan olub. Ali təhsillidir.
  Azərbaycan Yazıçılar və Jurnalistlər Birliklərinin üzvüdür.
  4 nəsr və 4 şeir kitabının müəllifidir. Roman, povest və çoxsaylı hekayələrin öz mövzu aktuallığı,
  koloritli, dili, həmçinin bədii təhkiyəsi ilə seçilir. Əsərlərindəki obraz-ların xarakteri, bədii səciyyəsi
  dolğundur.
  Kitab sayca müəllifin 9-ci kitabıdır.
  Qar boş qalmış kəndin talanıb yandırılmış evlərini, sahibinin ayaqlarına həsrət qalan həyət-bacasını,
  daim gediş-gəlişli olan kənd yollarını ağ libasa bürümüşdü.Sanki təbiət bir zaman haylı-küylü,xeyirli-
  şərli bu kəndin zülmətə qərq olmuş kimsəsizliyini qarın altında gizlətməyə çalışırdı.Qarı sovuran
  küləyin vıyıltısı,sahibsiz itlərin hürüşüb-ulaşması,kəndin üstünə çökmüş gecənin lal sükutu tükürpədici
  bir vahimə yaradırdı. On beş ildən artıq idi ki, Qaraca gündüzləri evin altının daşlarına qısılıb
  gizlənirdi.Havanın qaraldığına əmin olduqdan sonra Qaraca zorla sürünüb həyətə çıxdı.Aclıqdan və
  soyuqdan taqətdən düşmüş it çətinliklə ayağa qalxıb yerində silkələn-di.Arıqlıqdan dərisi
  qabırğalarının üstünə yapışmışdı. Sahibini gözləməkdən qocalıb heydən düşmüş Qaraca özünü
  toplayıb sonuncu dəfə axsaya-axsaya evin dörd dövrəsinə fırlandı.Taqətdən düşmüş it müvazinətini
  saxlaya bilməyib evin qabağındaca yerə yıxıldı.Başını qarın üstünə qoyub yorğun və məyus gözlərini
  yumdu.Nəfəsi asta-asta gedib-gəlirdi...