Di Folklora Kurdi de Serdestiyeke Jinan

• Yayın Hakkında
• Özellikler
• Yorumlar
• İlave Dosyalar
• Satış/Tedarik

Kapat

---

  Kitêba Rohat Alakom Di Folklora Kurdî de Serdestiyeke Jinan din av weşanên Avesta de derket.
  
  Ev lêkolîn, tenê li ser beşeke folklora kurdî hatiye pêkanîn. Xebateke sînorkirî ye, tenê di nav folklora kurdî de cîhê jinan û motîvên ser tema jinan pêşkêş dike. Vê lêkolînê hemû nimûneyên folklora kurdî, ji xwe re nekiriye materyal, nedaye ber çavan. Nimûne tenê ji nav çîrok, destan, gotinên pêşiya û stranan, ji nav van çar beşên bingehîn hatine hilbijartin.
  
  Giringiya vê xebata piçûk ew e ku li ser folklora kurdî lêkolîneke bi zimanê kurdî tê çêkirin. Ji aliyê din, xebat bi xwe jî li ser babet û tema jinan e, bi vî tehrî mirov dikare bêje du rûçikên vê pirtûkê hene: folklor û jin. Ev herdu babet di vê pirtûkê de ketine zikê hev, hev dewlemend kirine. Xwendevan ji alîkî de dikare folklora kurdî binase, nimûneyên vê folklorê tam bike, ji aliyê din bi saya hin berhemên folklorîk dikare derbarê cîhê jinan û rewşa jinan de zêdetir agahdar bibe û zanyariyên xwe pêş da bibe. Ji aliyê din dema ev pirtûk hate berçavkirin, xwendevan ê bibîne ku, jinan di folklora kurdî de ji xwe re textek ava kirine û serdestiyeke wan heye. Di folklora kurdî de gotin gotina jina ye û kilam kilamên keçikan in.